Ynghylch
Mae'r Hen Lys/Gorsaf Heddlu gyferbyn â Ffynnon Yfed Goffa Randall (9) ac fe'i hadeiladwyd ym 1880 gan y pensaer John Prichard, y sawl a adferodd Eglwys Gadeiriol Llandaf. Ychwanegwyd estyniadau diweddarach ym 1922. Fe'i hadeiladwyd mewn arddull bensaernïol 'Gothig Uchel Fictoraidd' ac roedd yn ymgorffori Gorsaf Heddlu, Tŷ Uwcharolygydd a Llys Ynadon. Mae tu mewn yr adeilad yn cynnwys llawer o fanylion a oedd yn nodweddiadol o arddull Pritchard gan gynnwys to pren agored ar y Neuadd Gyfiawnder gydag ategion gwynt pigfain a phaneli pedeirdalen a nifer o ddrysau wedi’u â phatrwm pedeirdalen wedi’i bwnsio’n drwm arnynt.
Daeth yr adeilad Rhestredig Gradd II yn segur yn y 1970au ac fe ddadfeiliodd. Fe'i hadferwyd gan y diweddar Simon Hegarty ym 1996 ac enillodd Wobr yr Ymddiriedolaeth Ddinesig ym 1997. Mae nodweddion nodedig yn cynnwys pyst drysau yn ei ben gogleddol. Bwyty/bar coctels ydyw ar hyn o bryd.
