Mae Sir Pen-y-bont ar Ogwr yn cynnig profiadau unigryw i'r farchnad teithio mewn grwpiau. Mae ei safle canolog ar hyd arfordir De Cymru yn golygu y gellir ei gyfuno'n hawdd ag ardaloedd eraill, o Ddyffryn gwledig Gwy i oleuadau llachar prifddinas Caerdydd.
Gwahoddir gweithredwyr teithiau, trefnwyr teithiau grŵp a masnach deithio'r DU ar daith rithwir sy'n cynnwys Porthcawl ac arfordir a chefn gwlad cyfagos Sir Pen-y-bont ar Ogwr.
Dilynwch y cyflwynydd Steve Reed ar hyd priffyrdd a chilffyrdd yr ardal atyniadol yma o'r Deyrnas Unedig sy’n gudd yn aml a heb ei darganfod a bydd cyfle i chi archwilio nifer o leoliadau grŵp, gwestai a safleoedd llawn golygfeydd.
Bydd amrywiaeth o atyniadau i grwpiau eu gweld, gan gynnwys Crochendy Ewenni; Gwarchodfa Natur Parc Slip; Canolfan Chwaraeon Dŵr Rest Bay; Pafiliwn Mawr Porthcawl; Amgueddfa Porthcawl; Bwyty Pysgod a Sglodion Finnegans a Phentref Gardd y Pîl.
Byddwch hefyd yn gweld gwestai gwych yn yr ardal yn cael eu harddangos yma, gan gynnwys Gwesty Best Western Heronston ym Mhen-y-bont ar Ogwr; Gwesty Seabank ym Mhorthcawl a Gwesty a Bwyty Great House ym mhentref Trelales.
Mae gweithredwr bysiau a theithiau adnabyddus yn Ne Cymru, Cresta Coaches, sydd i’w weld yma’n gyrru ar hyd glan môr trawiadol Porthcawl, yn dod â grwpiau i'r ardal yn rheolaidd i fwynhau popeth sydd ar gael!
Am isdeitlau Saesneg cliciwch yma: https://youtu.be/QLsztrnxFVw