Bydd ymwelwyr â Sir Pen-y-bont ar Ogwr yn cael gwledd o fwyd yr haf yma gyda stondinau pop yp, gwyliau bwyd a bwytai di-ri.
Deli Cymru
Mae McArthurGlen Pen-y-bont ar Ogwr wedi ffurfio partneriaeth gyda Cywain i gyflwyno digwyddiad gwych i chi dros gyfnod o 7 wythnos rhwng 2il Awst a 18fed Medi sy'n dathlu cynnyrch Cymreig lleol. Mae'n cynnwys 27 o fusnesau annibynnol Cymreig, gan gynnwys Bang On Brewery a Lilo's Handmade Pasta o Sir Pen-y-bont ar Ogwr.
Mae Bang On Brewery yn fragdy ym Mhen-y-bont ar Ogwr sydd wedi ennill sawl gwobr. Mae'n cynhyrchu cymysgedd gwych o gwrw, o Lager i Stowt amrywiol a phopeth yn y canol. Fel y bragdy cyntaf i gael ei sefydlu ym Mhen-y-bont ar Ogwr ers y 1920au, maen nhw wrth eu bodd yn cael y cyfle i arddangos eu cynnyrch gwych yn McArthur Glen.
Mae pasta a sawsiau Lilo's Handmade Pasta yn cael eu creu gan ddefnyddio cynhwysion naturiol i gyd. Pasta blas rhyfeddol, lliwgar wedi'i wneud o archfwydydd, llysiau a chynhwysion naturiol. Pob un yn addas i feganiaid a does dim glwten yn y sawsiau chwaith!
Gwy
Gwyliau
Mae digonedd o ddewis o wyliau bwyd ar gael.
Ar 20fed Awst, bydd Green Top Events yn dod â'u gŵyl Bwyd a Diod i ganol tref Pen-y-bont ar Ogwr am y tro cyntaf, gan gyfuno marchnad draddodiadol â gŵyl llawn hwyl gyda safle bwyd i flasu bwyd amrywiol werthwyr bwyd stryd, ardal siopa ac ardal adloniant, gydag amrywiaeth o gerddorion lleol a reidiau.
Dros y penwythnos canlynol, bydd Brew Fest, gŵyl gwrw a seidr flynyddol gyntaf erioed Pen-y-bont ar Ogwr, yn dod i Gae'r Bragdy. Dyma ŵyl Brew Fest gyntaf a mwyaf erioed Pen-y-bont ar Ogwr, ac mae'n rhoi cyfle i chi gwrdd â rhai o'ch hoff fragwyr ynghyd â samplu digonedd o'u cwrw! Nid yn unig hynny - bydd cerddoriaeth fyw ar gael, nwyddau i'w hennill a digon o fwyd stryd i amsugno'r holl gwrw blasus.
Ym mis Medi mae Forest Feastival yn dychwelyd i Ferthyr Mawr. Yn cael ei hadnabod fel sawl penwythnos o 'hyfrydwch mewn coetir, ger castell, ar lan y môr', mae Forest Feastival yn gwrt bwyd awyr agored sy'n cynnwys y tryciau a'r cogyddion bwyd stryd gorau o Gymru a thu hwnt. Wedi'i lleoli dan gynfas yng nghanol coetir prydferth Stad Merthyr Mawr, bydd yn rhychwantu sawl penwythnos ym mis Medi.
Bwytai
Gallwch ddisgwyl chwaeth egsotig, yn y llefydd lleiaf hyd yn oed. Mae gan bentref bychan Trelales fwytai annibynnol El Prado by Martinez a The Black Rabbit, yn ogystal â'r Leicester Restaurant yng Ngwesty'r Great House sy'n dyddio'n ôl i'r 16eg ganrif.
Mae Old House 1147 yn Llangynwyd yn fwy hanesyddol fyth. Mae ychydig y tu allan i dref Maesteg. Mae dadl barhaus ynghylch ai'r Old House yw tafarn hynaf Cymru! Sefydlwyd y dafarn yn y 1100au felly mae'n bendant yn un o'r rhai hynaf ac wedi cael ei hadfer a'i hailddatblygu'n hyfryd yn ystod y blynyddoedd diwethaf. Mwynhewch bopeth o de prynhawn traddodiadol i brydau fegan arbenigol, a phopeth wedi'i greu gan ddefnyddio cynnyrch lleol ffres.
Yng nghanol tref Pen-y-bont ar Ogwr mae bwytai newydd a sefydledig y byddai unrhyw ddinas bwyd yn falch o'u cael. Mae La Cocina Tapas yn enwog am brydau cartref da, wedi'u hysbrydoli gan fwyd Sbaenaidd, ac mae Morgan’s Bistro & Cocktail Bar yn opsiwn gwych ar gyfer bwyd Ffrengig traddodiadol.
Os ydych chi'n aros ar yr arfordir, mae bwytai gorau Porthcawl yn cynnwys y Cosy Corner Lounge a Dockside Bar &Grill. Profwch ddiwylliant caffis glan môr Porthcawl ar gyfer blasau o ffynonellau lleol, neu mae adeilad Jennings, sydd wedi'i adnewyddu yn ddiweddar, yn gartref i fwytai poblogaidd sy'n edrych dros yr harbwr.