Mae’n amser i fynd am dro ym Mhorthcawl y gwanwyn hwn gyda dyfodiad Llwybr y Cŵn gyda Snoopy, llwybr celf cyhoeddus rhad ac am ddim ysblennydd sy’n ymlwybro ar draws De Cymru.
Rhwng 8 Ebrill a 5 Mehefin 2022, bydd Porthcawl yn gartref i chwe cherflun Snoopy mawr, i gyd wedi'u dylunio a'u haddurno'n gywrain gan artistiaid cenedlaethol a De Cymru, ynghyd â 12 cerflun bach wedi'u haddurno gan ysgolion lleol.
Gall pobl leol ac ymwelwyr â Sir Pen-y-bont ar Ogwr, ynghyd â’u ffrindiau pedair coes, roi eu pawen orau ymlaen i fwynhau’r llwybr a cheisio lleoli pob un o’r gweithiau celf lliwgar o amgylch y dref.
Trwy gymryd rhan gallwch fanteisio ar gynigion arbennig gan fusnesau ar hyd y llwybr gan ddefnyddio ap Llwybr y Cŵn ac ar ddiwedd y llwybr, bydd y Cerfluniau Snoopy anferth yn cael ei arwerthu i godi arian sylweddol i Dogs Trust, gan eu cefnogi i ofalu am miloedd o gŵn a’u helpu i barhau i wneud eu gwaith gwych.
Wir #HoffCŴNPeByddwchYma yn Sir Pen-y-bont ar Ogwr y Gwanwyn hwn, oherwydd yn ogystal â chymryd rhan yn y llwybr cerfluniau, gall y rhai sydd â chymdeithion blewog fwynhau ystod eang o leoedd sy’n croesawu cŵn i aros ac ymweld â nhw.
Efallai ein bod ni’n rhagfarnllyd ond rydyn ni’n hoffi meddwl mai Sir Pen-y-bont ar Ogwr yw’r gyrchfan orau ar gyfer anturiaethau gyda’ch ffrindiau pedair coes oherwydd ei harfordir a’i chefn gwlad hardd a’i dewis gwych o dafarndai, caffis, atyniadau a lletai sy’n croesawu cŵn. Darganfyddwch rai o'r lleoedd sy'n croesawu cŵn ar draws y Sir ar ein tudalen we bwrpasol.
Felly dewch draw i Sir Pen-y-bont ar Ogwr y Gwanwyn hwn i gymryd rhan yn Llwybr Cŵn gyda Snoopy a helpu i gefnogi cŵn wedi’u hachub ledled Cymru i ddod o hyd i'w cartref am byth.
#HoffCŴNPeByddwchYma…